Gihimug-atan sa Department of Health-Central Visayas nga sayup ang pagtou sa publiko nga mataptan lang og leptospirosis ang usa ka indibidwal kon ugaling anaa kini samad.
Matud ni Dr. Eugenia Mercedes Cañal, ang Regional Epidemiologist sa Department of Health nga dili kiahanglang aduna kay samad sa panit aron mataptan og leptospirosis, hilabi na nga mamahimo usab kini mokatap kung ugaling molabang og baha nga lapas sa hawakan.
Sigon usab ni Cañal, nga kinahanglang pahugtan ang pag-train sa mga nagkadaiyang Barangay Health Workers gumikan kay sila ang frontliners hilabi na sa panahon sa pandemic.
Dugang usab sa doktora nga kinahanglang siguraduhon ang kapasidad sa mga nagkadaiyang tambalanan sa Probinsya sa Sugbo, og ipreparar ang mga kinahanglang tambal alang sa pagpugong sa pagsaka sa leptospirosis.
Giklaro usab niini nga ang tambal nga Doxycycline, dili gayud ipanghatag sa mga nag-edad og 9-anyos paubos.
Gihimug-atan usab sa buhatan nga importante ang pakig-alayon sa mga nagkadaiyang buhatan sama sa Disaster Risk Reduction Management og ang lokal nga kagamhanan.
