-- ADVERTISEMENT --
Gipangunahan ni US President Donald Trump ang pagpirma sa usa ka kasabutan sa kalinaw sa mga lider sa Demokratikong Republika sa Congo ug Rwanda.
Ang pagpirma gihimo sa White House ug gitambongan ni President Felix Tshisekedi sa Congo ug President Paul Kagame sa Rwanda aron tapuson ang kapin sa tulo ka dekada nga panagbangi.
Una na nga mipirma og kasabutan niadtong Hulyo ang mga foreign ministers sa mga nasud apan wala pa matapos ang panagbangi.
Gipasigarbo ni Trump nga ang nahisgutang kasabutan permanente na karon.
Ang nahisgutang mga kasabutan sa ceasefire naglakip sa pag-disarma sa mga rebelde ingon man ang pagbalik sa mga refugee sa ilang mga pinuy-anan.
-- ADVERTISEMENT --
