-- ADVERTISEMENT --
Giawhag ni Cebu City Mayor Nestor Archival Sr. ang mga residente sa Dakbayan sa Sugbo nga mamundo sa tubig-uwan.
Gipadayag kini ni Archival atol sa iyang social media post nga karong buwan sa Disyembre kay abunda ang tubig nga gibubo sa kinaiyahan pinaagi sa mga pag-uwan nga gitawag niini “practical and symbolic act of love for the city.”
Gisaysay sab mayor ang mga benepisyo sa pagpamundo sa tubig-uwan sama nalang sa makatipid sa bayrunon sa water bill, makapaminus sa pagbaha sa inyong dapit, ug pag-abag sa syudad nga mahimong sustainable.
Gihimug-atan niini nga ang mga gagmayng aksyon matag panimalay kay mapadugang sa dakong kontribusyon sa kaugmaon sa syudad.
