Nag-apod-apod Ang Office of the Vice President og mga hinabang ngadto sa 200 ka mga benepisyaryo sa Barangay Pooc niadtong Miyerkules isip kabahin sa padayon nga tabang niini sa mga pamilyang naapektuhan sa bag-ohay nga mga kalamidad.
Matud sa tigpamaba sa OVP nga si Atty. Ruth Castelo, nga ang operasyon nagtumong sa pagsuporta sa mga residente nga nagpadayon sa pagbangon gikan sa bag-ohay nga mga katalagman sama sa Bagyong Tino, taliwala sa ka limitado niini.
Sigon usab ni Castelo, nga tumong usab sa maong relief operations ang pagpanghatag usab og pahalipay, pinaskohan sa mga pamilya nga lagmit matunolan ug hinabang sa kagamhanan hilabi na nga hinangat karon sa pasko.
Kagahapong adlawa, Miyerkules nagpahigayun usab sila og “Magnegosyo ta dae” alang sa mga 27 ka mga benepisyaryo nga negosyante nga gipahigayon sa Satelite OVP sa dakbayan sa Sugbo nga nakadawat usab og tag 15,000 aron sa pagpadayon sa ilang Negosyo.
Padayon pa usab ang mga nagkalain laing programa sa OVP sama sa Mag Negosyo ta dae”, Libreng sakay, og nagkalain lain pang mga programa nga nakabenipisyo sa Probinsya sa Bohol, Siquijor ug Sugbo.
Usa ka lahi nga kalihokan sa pagtabang ang gipahigayon usab niadtong Martes, diin 1,500 ka mga pamilya sa Barangay Alang-Alang, Mandaue City ang nakadawat og mga hinabang, samtang 27 ka mga indibidwal ang gihatagan og ₱15,000 matag usa ubos sa programa sa Magnegosyo Ta Day.
Samtang sa bahin usab sa isyu sa COA observation, gihimug-atan niini nga ang audit observation sa maong buhatan nga aduna gayuy higayon ang OVP nga maka-esplikar og matarong ang pamaagi sa paggasto sa budget sa OVP.
