Giawhag ni Cebu City Mayor Nestor Archival Sr. ang mga tunghaan sulod sa dakbayan nga aktibong suportahan ang inisyatiba sa striktong implementasyon sa garbage segregation.
Kini ang sugyot sa mayor atol sa nahitabong Cebu City Local School Board Meeting niadtong Huwebes, Disyembre 18 diin gipangulohan ni Archival ang panagpulong uban sa mga hingtungdang ahensya sa Department of Education – Cebu City Schools Division.
Gihimug-atan ni Archival ang importanteng papel sa mga tunghaan sa pag-abag sa syudad sa peoblema niini sa basura diin ang mga school communties kay nakatampo sa liboan ka mga indibidwal nga makamugna og basura.
Subay niini, giawhag sa mayor si Dr. Nimfa Bongo, ang DepEd Cebu City Schools Division Superintendent sa pag-alokar og budget para sa waste segregation facilities sama sa gaebage bins ug Materials Recovery Facilities (MRFs) sa mga eskwelahan.
Sa iyang bahin, mipadangat sa iyang kumpyansa si Dr. Bongo nga mapatuman kini nga direktiba diin pipila na ka mga eskwelahan ang adunay nay mga waste segregation practices.
Samtang gi-anunsyo sab ni Archival nga sugod sa Enero 2026, ipatuman na sa tibuok dakbayan ang full implementation sa waste segregation diin ang striktong enforcement sa no-collection policy sa mga dili segregated nga basura kay ipatuman inabagan sa sayung information dissemination karong palang.
