Gidepensahan ni Leyte Rep. Richard “Goma” Gomez ang iyang kaugalingon batok sa pag-atake kang Rene Gacuma, presidente sa Philippine Fencing Association (PFA) atol sa 2025 Southeast Asian Games.
Una nga mireklamo si Gacuma sa magbabalaod tungod sa giingong pag-atake kaniya sa dihang nakiglamano siya sa kongresista human kini nakadaog og silver medal sa iyang shooting event atol sa nagpadayon nga torneyo.
Sa usa ka interbyu, si Gomez miingon nga ang opisyal sa fencing miduol kaniya, ug niingon siya nga nasuko siya pag-ayo sa panahon sa komprontasyon.
Iyaha usab nga giinsistir sa kongresista nga kung ang Pilipinas makigkompetensya aron makadaog og dugang medalya, ang mga atleta pulihan og mas huyang nga mga magduduwa.
Balik sa sulat nga gipadala ni Gacuma kang Philippine delegation chef de mission Dr. Jose Raul Canlas, ang komprontasyon naggikan sa desisyon ni Gacuma nga ilisan ang national athlete nga si Alexa Larrazabal sa women’s individual epee event.
Kini tungod sa giingong kapakyasan ni Larraazabal sa pagsumite sa hustong mga dokumento, kanunay nga pag-absent sa training, ug uban pang mga hinungdan, ug si Atleta Hannie Abella ang gipulihan kaniya.
Samtang, sa dihang gikontak si Philippine Olympic Committee President Bambol Tolentino alang sa reaksyon kabahin sa insidente, siya miingon nga ang duha mga hamtong na ug angay na lang nga husayon ang isyu.
