Makadawat na sa ilang bonus karong kapaskuhan ang mga regular ug casual nga empleyado sa Kagamhanang Lalawigan sa Sugbo nga mubalor ngadto sa kinatibuk-ang P55,000.
Kini ang gijabutyag ni Atty. Aldwin Empaces, ang Cebu Provincial Capitol Assistant Administrator sa pakighinabi niini sa mga sakop sa tigbalita niadtong Biyernes, Disyembre 19, 2025.
Sa breakdown niini, gikatakdang makadawat ang mga regular ug casual nga ga empleyado sa P30,000 isip holiday bonus, P20,000 sa Service Recognition Incentive (SRI), ug P5,000 Performance-Based Incentive (PBI).
Samtang sa habig sa mga Job Order personnel kay gikatakda pud kini makadawat sa P15,000 nga one-time Gratuity Pay ug service incentive.
Gihinaot nga sa proposed supplementarl budget sa pinakaulahing regular session sa Cebu Provincial Board sa umaabot Lunes, Disyembre 22 kini ma-release sa dili pa o sa pagtapos na gyud sa adlaw sa Pasko nga nalangan tungod sa pagtuman sa mga rekisitos nga gikinahinganlan aron magsubay kini sa lagda sa balaod ilabi na nga adunay gikinahanglan pag-aprobar gikan sa Civil Service Cimmission ug findings sa Commission on Audit.
Gihimug-atan ni Empaces nga makahatag kini og positibong epekto ang bonuses ilabi sa mga nangapildi sa nakalabayng katalagman sa 6.9 magnitude nga linog niadtong Septiyembre 30 ug sa Bagyong Tino pag Nobyembre 4.
Ang bonus scheme kay kabahin sa Collective Negotiation Agreement (CNA) sa Kapitolyo ug sa Employees Association nga gikatakdang ma-renew sunod tuig.
