Aprubado na sa ika-duhang pag basa ang P11.9 bilyones nga pundo alang sa 2026 sa hunta probinsyal atol sa regular session niini sa Lunes, Disyembre 22, 2025.
Giduso kini ni Cebu Province Board Member Celestino “Tining” Martinez, ang chairman sa committee on Budget and Appropriations ang maong ordinansahon nga naglakip sa pundo alang sa sunod tuig.
Nasayran usab sa milabayng pagtuki nga adunay rekomendasyon sa pag laslas sa giduso nga pundo sa matag departamento sa probinsya.
Diin una na nga gipasabot sa sakop sa komitiba nga sobra ra ang gigahin nga pundo o wala nahiuyon ang pundo sa opisina nga gigahinan., diin aduna kini kinatibuk-an nga P178 milyones.
Bisan og giaprubahan niini ang kinatibuk-ang pundo, adunay mga pag-amyendar nga gi-rekomendar ang hunta ilabi na ang kahimtang sa Cebu People’s Action Center (CPAC).
Gigahinan ang CPAC og P14 milyones alang sa giingong operasyon niini. Apan, giklaro nga ang maong opisina namugna pinaagi sa usa ka Exrcutive Order hinungdan nga dili kini pwede nga magbaton og pundo sama sa ubang departments.
Butang hinuon kini nga gihangop sa executive department diin gipahibaw ni Aldwin Empaces, Assistant Provincial Administrator.
Subay niini, gikalipay usab si Empaces ang kalamboan sa pagpasar sa ika-duhang pag basa diin iyang gikonsiderar nga usa ka “realistic” nga budget ang giaprubahan sa hunta.
Ang ika-tulo ug uwahing pag basa ug pag-pasar sa pundo mag depende pa sa desisyon sa hunta ilabi na nga sunod-sunod na ang holiday human sa pasko.
Gilaoman nga mobalik ang session sa 17th Sangguniang Panlalawigan sa unang semana sa Enero 2026.
