Nanguna sa Metro Manila Film Festival (MMFF) 2025 ag pelikulang “Call Me Mother,” nga gibidahan nila ni Vice Ganda ug Nadine Lustre base sa mga rekord sa takilya gikan sa mga social media fanpages.
Sumala sa unofficial pages sa Facebook sa Philippine Box Office, ang “Call Me Mother” adunay dakong labaw sa ubang mga pelikula.
Gisundan kini sa “Shake, Rattle & Roll: Evil Origins,” nga gibidahan nila ni Carla Abellana ug Richard Gutierrez, nga nakakuha og halos ikatulo nga bahin sa kita sa “Call Me Mother”.
Ang “UnMarry,” nga gibidahan nila ni Angelica Panganiban ug Zanjoe Marudo, ang ikatulo, ug ang “Love You So Bad,” nga gibidahan nila ni Will Ashley, Bianca de Vera, ug Dustin Yu, ang ikaupat.
Sumala sa Google Trends, hugot ang kompetisyon, nga adunay taas nga interes sa pagpangita alang sa “Shake, Rattle & Roll: Evil Origins,” gisundan sa “Call Me Mother,” “UnMarry,” “Bar Boys: After School,” ug “Love You So Bad.”
Samtang, sila si Vice Ganda ug Krystel Go ang nakakuha sa mga major acting awards sa tinuig nga ika-51 nga MMFF Awards Night nga gipahigayon niadtong Sabado, Disyembre 27.
Ginganlan si Vice nga best actor para sa pelikulang “Call Me Mother,” samtang, si Krystel Go mihimo og kasaysayan human midaog sa Best Actress para sa “I’mPerfect,” usa ka pelikula bahin sa mga batang adunay Down syndrome, nga midaog usab sa Best Picture.
Ang MMFF 2025 nagsugod niadtong Disyembre 25, ug molungtad hangtod Enero 7, 2026, sa mga sinehan sa tibuok nasud.
