Nokor leader Kim, gipasigarbo ang bag-ong rocket launchers

Gipasigarbo ni North Korean leader Kim Jong-un ang bag-ong naugmad nga multiple rocket launchers nga iyang giingon nga makaguba ug makabungkag sa kaaway.

Sumala sa report, ang lider sa North Korea mibisita sa pabrika nga naggama sa mga rocket launcher, ug sumala sa mga taas nga opisyal gikan sa programa sa missile sa North Korea, si Kim miingon nga ang bag-ong mga sistema sa armas magsilbi nga pangunang atake sa iyang militar.

Miingon usab siya nga ang bag-ong multiple rocket system usa ka super-powerful nga hinagiban tungod kay makaguba kini sa kaaway pinaagi sa kalit nga “precise strike” nga adunay taas nga katukma ug makadaot nga gahum.