I-disqualify sa organizer sa Sinulog 2026 ang mga contingents niining dili makatunga ug preparar sa tukmang oras aron sa istriktong pagpatuman sa paglaslas sa kalangay parada sa kapistahan.
Kini ang nadesisyonan sa Sinulog Foundation Inc. (SFI) aron sa tinguha nga magpahamtang og disiplina sa Sinulog 2026 Grand Parade and Showdown.
Sumala pa ni SFI Executive Director Jojo Labella nga gikinahanglan ang mga contingents maabot sa ilang designated pre-positioning area subay sa parade route sa wala pa ang alas 7 sa buntag sa Enero 18, 2026 aron dili masusama sa nakalabayung edisyon sa kapistahan nga nakasinati og grabeng kalangay.
Ang maong polisiya kay kabahin sa bag-ong mga guidelines sa Sinulog nga hinggpit pang tapuson sa SFI, Kagamhanang Dakbayan sa Sugbo, ug ubang hingtungdang ahensya.
Matod sa mga opisyal nga giisip kini nga tinguha nga propesyonal ang operasyon sa kapistahan ug hamugay nga dagan sa mga tumatan-aw, ingon pud sa integridad sa kompetisyon./
Ang Sinulog 2026 kay adunay 37 ka mga rehistradong contigents para sa Grand Ritual Showdown ug Street Parade diin 17 gikan sa dakbayan, 6 gikan sa probinsya, ug 12 sa lain-laing lugar gawas sa Sugbo inubanan sa guest contigent apperance sa Danao City ug Bacolog City sa ilahang Masskara Festival.
