Nagdasok sa kasamtangan ang Cebu South Bus Terminal tungod sa mga pagdagsa sa pasahero nga manguliay na sa ilahang tagsa-tagsa ka mga probinsya, ingun man sa ilahang nagkadaiyang trabaho ug nagsing-abot nga balik sa skwela usab.
Busa, dili malimod nga ang tanang byahe sa bisan asang rota, sa kasamtangan kay fully occupied na, diin partikular nga ubay-ubay gayud og pasahero mao ang rota padulong sa Alcoy, Barili, ug uban pa.
Busa, sa nasuta sa Bombo Radyo Cebu Newsteam sa usa sa mga pasahero nga si Abegail Demaclin taga Marigondon, Lapu-Lapu, Cebu, kinsa usa sa mga manguliay nga nakasinati sa kahuot sa maong terminal, nipadangat nalang siya og mensahe nga imintinar ang makanunayong pag-amping sa matag byahe.
Nasayran nga ang maong dagsa sa mga pasahero sa naasoyng terminal kay resulta usab sa dagsa sa pasahero niadtong hinapos nga semana sa buwan sa Disyembre 2025 kay aron usab makig-uban sa ilang minahal sa kinabuhi atol sa kapaskohan ug Bag-ong Tuig.
