Maayong balita alang sa mga tapulan mag-toothbrush sa ilang ngipon o adunay mga kakulangan sa lawas human gipaila sa mga siyentipiko sa Hapon ang “g.eN”, ang unang “oral care robot” sa kalibutan nga makalimpyo sa imong ngipon nga dili kinahanglan nga ilihok ang imong mga kamot.
Gamit ang teknolohiya nga gihimo sa Waseda University Robotics Laboratory, kini nga high-tech nga aparato molihok pinaagi lang sa pagpaak sa mouthpiece, diin ang gagmay apan kusgan nga mga brush niini awtomatikong molihok pataas, paubos, ingon man wala ug tuo aron limpyohan ang duha ka kilid sa ngipon sulod lang sa usa lang ka minuto.
Usa ka research paper nga gisumiter sa Japan Society of Healthcare Dentistry nagpamatuod nga ang g.eN epektibo, nga nagtala og plaque retention rate nga 22.4%, usa ka lebel nga nakab-ot ang criteria alang sa ”good oral hygiene” ug katumbas o mas maayo kaysa sa epektibo sa tradisyonal nga pag-toothbrush.
Ang robot motimbang og 220 gramos, adunay USB Type-C charging, ug adunay upat ka operating modes sama sa “Easy,” “Careful,” “Special Care,” ug “Children” aron mohaum sa mga panginahanglan sa lainlaing mga tiggamit.
Ang produkto anaa karon sa crowdfunding stage ug milapas na sa target goal niini tungod sa mainit nga pagdawat sa publiko. Mapalit na kini sa diskwento nga presyo nga 31,042 yen (kapin sa P11,000).
Bisan tuod ang g.eN orihinal nga gidisenyo aron matabangan ang mga tawo nga limitado ang paglihok, kini nahimong popular usab sa publiko nga nangita og mas paspas ug mas komportable nga paagi aron malimpyohan ang ilang mga ngipon nga walay bisan unsang kahasol.
