“2026 – I choose my own happiness – without guilt, without explanation.”
Kini ang tweet sa member sa P-Pop girl group ug leader sa BINI nga si Jhoanna Robles human misaba ang iyang ngalan nga giingong nag-uban sila ni Skusta Clee sa Vietnam pinaagi sa mga post nila sa Instagram nga kuha atol sa ilang bakasyon.
Ang iyang mga litrato nagpakita sa pipila ka mga tourist spot nga iyang gibisita, sama sa Temple of Literature, Old Quarter, ug Hoan Kiem.
Samtang niadtong Enero 3, nag-post si Skusta Clee sa iyang mga litrato gikan sa Vietnam. Isip kabahin sa iyang mga post sa Instagram, nibisita usab siya sa Temple of Literature, Old Quarter, ug Hoan Kiem, nga mao usab ang mga lugar nga makita sa mga litrato ni Jhoanna.
Tungod niini, nagsugod ang espekulasyon sa publiko nga ang duha nag-uban sa nahisgutang bakasyon.
Ubang mga netizen nagduda ug nihukom apan daghan usab ang nanalipod kang Jhoanna hilabi na ang mga supporters niini.
Duna pa’y nidepensa nga fan nga daghan gihapong 8080 sa 2026 tungod lang kay susama og destinasyon ang mga iladong personalidad.
