Miduyog ang pipila ka mga celebrity sa tinuig nga prosesyon sa Poong Hesus Nazareno o Traslacion sa Maynila niadtong Biyernes, Enero 9, 2026.
Kauban sa mga misalmot sa liboan ka mga deboto sa Nazareno kay ang bag-ong kasal nga sila Kiray Celis ug ang bana niining si Stephan Estopia sa ilang pangaliya nga mahatagan og unang anak.
Gipaambit usab ni Kiray sa usa ka online post nga dugay na siyang deboto sa Nazareno sukad pa sa iyang pagkabata hangtod karon nga minyo na siya.
Samtang, ubang mga celebrity ang mitambong sa Traslacion kay ang mag-aawit nga si Angeline Quinto diin mikanta pa kini sa inspirational song nga “Huwag Kang Mangamba” sa Quirino Grandstand pipila ka gutlo sa wala pa nagsugod.
Lakip sa mga namatyagan mitambong aron ipadayag ilang debosyon kay ang aktor-direktor nga si Coco Martin, McCoy de Leon, beteranong aktor nga si Christopher de Leon, ang journalistang si Noli de Castro, aktres nga si Dimples Romana, celebrity couple nga sila Rodjun Cruz ugDianne Medina, actress-comedian nga sila Ai-Ai delas Alas, Giselle Sanchez ug magtiayong Melai Cantiveros ug Jason Francisco.
