Gipaambit sa Embahada sa Pilipinas sa Tehran nga walay mga Pilipino nga naapektuhan sa nagkagrabe nga mga protesta sa Iran, pinaagi sa gipahibalo sa Department of Foreign Affairs (DFA).
Sumala sa DFA, adunay 823 ka mga Pilipino nga anaa karon sa Iran, kadaghanan kanila mga permanenteng residente isip mga kapikas o mga anak sa mga lungsuranon sa Iran.
Mahinumduman nga ang kaylap nga mga protesta nagsugod sa tibuok nasud sukad Disyembre 28, 2025, human natala ang pinakataas nga inflation rate, nga nagpagrabe sa krisis sa ekonomiya sa nasud.
Ingon man nga dali nga mikaylap sa lainlaing mga rehiyon ang kagubot, labi na sa mga kabus, nga nangayo sa pagtapos sa rehimen ni Supreme Leader Ayatollah Ali Khamenei.
Tungod sa kagubot, ang mga awtoridad nagpahamtang og internet shutdown ug nagpadala pa gani og tibuok tropa sa mga pwersa sa seguridad.
Gi-report usab sa Iranian niadtong Enero 10, 2026, ang labing menos 2,000 ka mga demonstrador ang namatay human giingong migamit og buhing bala ang mga awtoridad apan 544 niini ang gikumpirma nga patay sumala sa datos gikan sa U.S.-based Human Rights Activists News Agency.
Gidugang sa DFA nga ang Embahada sa Pilipinas sa Tehran nagpadayon sa pagtambag sa mga Pilipino nga magpabiling mabinantayon ug limitahan ang ilang pagbiyahe samtang nagpadayon ang kagubot.
