Miabot na sa 22 ang ihap sa mga natalang kumpirmadong patay sa pagdahili sa gabuntod nga basura sa landfill sa Barangay Binaliw ning dakbayan sa Sugbo.
Kini ang gikumpirma ni Cebu CIty Councilor Dave Tumulak, kinsa Chairman sa Cebu City Disaster Risk Reduction and Management Council(CCDRRMC) sa pakighinabi niini sa mga tigbalita kaganihang buntag karong Huwebes, Enero 15, 2026.
Naugkat sa mga rescuers ang laing duha ka mga patayng lawas pasado alas 6:30 ug alas 6:51 sa susamang kabuntagon sa babaye ug lalaki nga biktimang nga giila pa sa mga awtoridad.
Sumala sa pinakaulahing natala, 18 ka mga indibidwal ang gipaalim sa tambalanan tungod sa mga angol nga nahiaguman samtang 14 pa ang nagpabiling missing sukad sa makalilisang nga panghitabo niadtong Enero 8.
