Isyu sa flood control, dili angay nga ilambigit sa impeachment – Malacañang

Nipagawas og pamahayag ang Malacañang nga dili angay ilambigit ang flood control projects sa impeachment case batok kang Bise Presidente Sara Duterte.

Sumala ni Palace Press Officer Claire Castro, girespeto sa Malacañang ang desisyon ni Congressman Toby Tiangco nga dili mopirma sa impeachment complaint.

Giinsistir ni Castro nga lain-lain nga butang ang mga alegasyon sa Bise Presidente ug ang mga proyekto sa pagkontrol sa baha.

Ang bisan unsang desisyon sa impeachment dili angay ibase sa resulta sa imbestigasyon sa flood control projects.

Gidugang niya nga magpadayon ang gobyerno sa pag-atiman sa isyu sa baha, apan dili kini mahimong basehan sa impeachment case.