Gibutyag ni Philippine Ambassador to the U.S. Babe Romualdez , nga wala magtago-tago si kanhi Kalihim sa Department of Public Works and Highways (DPWH) Manny Bonoan, apan nangayo lang siya og usa ka bulan nga extension sa dili pa mobalik sa nasud.
Sumala ni Romualdez, nakigsulti siya kang Bonoan sa telepono ug iyang gipasabot nga ang operasyon sa iyang asawa gi-reschedule na busa magpabilin siya sa California sa pagkakaron.
Si Bonoan gikatakdang mobalik sa Pilipinas sa Pebrero 15 human sa operasyon.
Gitambagan siya ni Amb. Romualdez nga sulbaron dayon ang mga isyu nga giatubang sa nasud.
Tungod sa iyang pagpuyo sa Estados Unidos, dili makatambong si Bonoan sa gikatakdang hearing sa Senate Blue Ribbon Committee sa Lunes, nga maghisgot sa mga kontrobersiya nga may kalabotan sa iyang kanhing posisyon.
