Gihingusgan sa Australian police ang manhunt search niini sa gunman nga mipatay og duha ka babaye ug usa ka lalaki sa Lake Cargelligo, New South Wales.
Ang gitumbok nga suspek kay nasutang walay gun license og on bail sa kasong domestic violence offences niadtong nahitabo ang pagpangataki sumala pa ni New South Wales police western region Commander Andrew Holland.
Dugang pa niini nga wala pa silay kasayuran giunsa sa suspek pagkuha sa armas sa gunman diin usa kini sa ilang tutokan sa nagpadayong imbestigasyon.
Usa sa mga biktima sa pagpamusil kay ang 19-anyos nga lalaki diin nagpaalim na kini sa tambalanan sa seryosong samad nahiaguman diin maayo nalang nga anaa na kini sa stable nga kondisyon. Laing biktima pud niini kay usa ka 25-anyos nga babaye nga pito ka buwan nga mabdos.
Tungod niini kay gipalawman pa sa kapulisan ang ilang pagpangita diin misalmot na ang specialist personnel sa operasyon.
Isip tubag, ang Australian parliament kay nagpasar og duha ka balaudnon sa pagtugot og national gun buyback scheme ug mas striktong background check sa pagluwat og firearm licenses.
Kini nahitabo usa ka buwan human sa insidente sa pagpamusil sa Bondi Beach nga mipatay og 15 ka mga indibidwal sa gitanyag nga pinakamakalilisang nga pagpamusil sa maong nasud.
