Pormal nga nanumpa isip mayor sa Davao City si Sebastian “Baste” Duterte niadtong Biyernes, Enero 23.
Ang batan-ong Duterte permanente nga mopuli sa iyang amahan nga si kanhi Presidente Rodrigo Duterte, kinsa kasamtangang gibilanggo sa International Criminal Court (ICC) detention facility sa The Hague, Netherlands.
Kahinumduman nga si Baste napili isip Bise Mayor sa 2025 midterm elections uban sa iyang amahan isip Mayor ug pag-umangkon nga si Rodrigo Duterte II, kinsa nakadawat sa pinakataas nga boto isip konsehal sa syudad.
Niadtong Hunyo 30, 2025, si kanhi Presidente Duterte wala makalingkod isip mayor tungod sa iyang padayon nga pagkabilanggo sa The Hague samtang naghulat sa husay sa kasong crimes against humanities nga gipasangil kaniya sa usa ka international tribunal.
Diin niadtong higayona ay temporaryo nga mipuli isip Acting Mayor si Baste Duterte.
Human sa pagbiya ni Baste sa iyang posisyon, ang iyang pag-umangkon nga si Rodrigo II ang mipuli, kinsa nanumpa uban kaniya kagahapong adlawa.
Ang Regional Trial Court XI Deputy Executive Judge Marie Estrellita S. Tolentino-Rojas ang nagdumala sa panumpa sa katungdanan sa duha ka lokal nga opisyal.
