Padayong mitagaktak ang halapad nga snow storm nga nasinati sa Amerika, human nga misulod sa nakalabayng adlaw diin moabot sa 14 inches ang gibag-on sa snow.
Matud ni Bombo International Correspondent Judith Englatera, nga nahimutang sa New York, padayong miuwan og snow sa maong lugar og posible pang molungtad sa mga mo sunod nga adlaw.
Sigon ni Englatera, nga sa 15 ka tuig niyang nagpuyo sa Amerika pipila na ka snow storm ang iyang nasinati apan gidugang niini nga karon lang kini nakasuway og baga kaayo snow storm.
Gibutyag usab sa Bombo International Correspondent, nga sagad sa mga estado sa Amerika ang nakasinati og power outage og gikanselar ang sagad sa mga biyahe gumikan sa bagyo.
Gihimug-atan ni Englatera, nga wala hinouy natala nga nakalas nga kinabuhi sa New York gumikan sa ka-preparado sa kagamhanan sa nahisgutang lugar og makanunayong pagpahimangno sa mga residente nga maglikay sa biyahe.
Dugang usab niini nga normal ra sa Amerika nga adunay panic buying gumikan sa matang usab sa ilang panahon, apan preparado usab publiko sa susamang insidente.
Samtang sa pikas bahin, wala pa usab hibaw-i kung kanus-a hingpit nga mabalik sa normal nga operasyon sa New York gumikan kay atimanon pa ang pagpanghawan sa mga nag-unang kadalanan aron luwas nga again.
