Personal nga gibisita ni Department of Public Works and Highways (DPWH) Secretary Vince Dizon ang Mananga River sa dakbayan sa Talisay niadtong Martes, Enero 27, 2026.
Giubanan si Dizon nila ni Talisay City Mayor Gerald Anthony “Samsam” Gullas ug mga opisyales sa DPWH Central Visayas aron sa pagsuta sa kahimtang sa maong suba sa makalilisang nga panghitabo niadtong Nobyembre 4, 2025 sa pagkuso-kuso sa Bagyong Tino sa Sugbo ug Kabisay-an.
Gipahibalo sa opisyal nga aduna silay nakalatid nga plano para sa suba sa Mananga sama sa pipila ka mga inisyatiba sa riverbed widening, dredging, desilting works aron nga likayan ang susamang insidenteng sa grabeng pagbaha.
Sumala niini nga usa kini sa gimando sa administrasyon nga sulbaron ang flood management situation dili lamang sa dakbaytan sa Talisay apan sa tibuok Sugbo.
Gipanglantawan niini buhaton ang mga trabaho sa dili pa muabot nga panahon sa ting-uwan o rainy season karong tuiga.
Dugang pa nga gilaraw ni Dizon ang posibilidad sa striktong pagpatuman sa “No Build Zone” sa isig ka kilid sa Mananga River gu uban pang dagkong suba sa Sugbo ingon man ang pagpatukod sab sa umaabot nga katuigan og mga dams sa upstream sa mga suba.
