Naigo sa drone strike sa Russia ang usa ka bus nga nagdala sa mga minero sa silangang Ukraine.
Diin ang pag-atake nakapatay sa 12 ka minero nga mibalik gikan sa trabaho sa silangang rehiyon sa Dnipropetrovsk, samtang 15 pa ang gitaho nga nasamdan.
Sa wala pa ang panghitabo, unom ka tawo na ang nasamdan niadtong Domingo sa dihang ang pag-atake sa drone miigo sa usa ka maternity hospital sa Zaporizhzhia.
Una niini, gipaambit ni US President Donald Trump nga miuyon na si Russian President Vladimir Putin nga ihunong ang mga pag-atake sa kahanginan sa mga lungsod ug siyudad lakip ang Kyiv taliwala sa bugnaw nga panahon, apan ang Kremlin sa ulahi miingon nga ang kasabutan natapos na niadtong Domingo.
Samtang, sa habig ni Ukrainian President Volodymyr Zelensky nga gikatakdang ipahigayon ang ikaduhang hugna sa trilateral nga mga panagsulti aron tapuson ang gubat tali sa Russia ug Ukraine ipahigayon sa Miyerkules ug Huwebes imbes nga Domingo.
Dugang niini nga ang mga panagsulti sa United Arab Emirates tali sa mga opisyal sa Amerika, Russia ug Ukraine gi-postpone tungod sa nagpadayon nga tensyon tali sa US ug Iran.
