-- ADVERTISEMENT --
Nagpahigayon ang National Bureau of Investigation (NBI) og 24/7 nga operasyon aron madakpan ang kontrobersyal nga negosyante nga si Atong Ang.
Kini ang gikumpirmar ni NBI Director Angelito Magno nga gipalapdan na sa ahensya ang ilang dragnet ug surveillance operations.
Diin ang mga awtoridad espesipikong nag-target sa mga eksklusibong hotel ug casino diin posibleng nagtago o gipanalipdan ang maong gaming tycoon.
Sumala ni Magno, ilang gisusi pag-ayo ang matag intelligence report nga mosulod sa ilang opisina aron masubay ang eksaktong lokasyon ni Ang.
Ingon man nga gipasalig sa direktor nga dili mohunong ang ilang pwersa ug gamiton ang tanang resources sa ahensya hangtod nga madala ang pugante nga negosyante sa ilang kustodiya.
-- ADVERTISEMENT --
