Gibasura sa House Committee on Justice ang duha ka impeachment complaints batok kang Presidente Ferdinand Marcos Jr. human ang majority sa mga miyembro niini mihukom nga kulang kini sa substansiya.
Uban sa boto nga 42 pabor, 3 supak, ug 1 abstain, ang reklamo nga gisang-at ni Atty. Andre de Jesus ug gi-endorso ni Rep. Jett Nisay gideklarar nga “dili igo ang substansiya.”
Samtang, uban sa lahi nga boto nga 39 supak ug 7 pabor, ang reklamo nga gisang-at sa Makabayan bloc nga nag-alegar sa pagbudhi sa pagsalig sa publiko ni Marcos kalabot sa giingong dili patas nga pag-apod-apod sa pondo alang sa mga proyekto sa imprastraktura kay gibasura usab.
Niadtong Pebrero 2, ang duha ka impeachment complaints sa sinugdanan giisip nga “igo ang porma,” apan human sa hingpit nga pagsusi sa komite, migawas nga ang ebidensya ug mga basehan dili igo aron ipadayon sa plenaryo.
Sumala sa mga miyembro sa komite, importante nga masiguro nga ang mga impeachment complaints adunay lig-on nga substansiya sa dili pa kini isumiter sa mas lapad nga deliberasyon sa House.
Ingon man nga ang desisyon naghatag og seryoso nga hagit sa mga nagduso sa impeachment batok sa Presidente, hilabi na kay ang ubos nga balay balauranan kontrolado sa mga kaalyado sa administrasyon.
