Nanawagan si Parañaque 2nd District Representative Brian Raymund Yamsuan sa pribadong sektor nga moapil og motabang sa pagsulbad sa grabe nga kakulangon sa mga classrooms sa nasud.
Sumala ni Yamsuan, gibanabana nga moabot sa 145,000 ang kulang nga classrooms sa Pilipinas, ug mahimong mograbe pa kini tungod kay anaa sa 51,000 ka mga pampublikong eskwelahan ang gibanabana nga dili na luwas gamiton pagsugod sa 2028.
Tungod niini, gipasiugda ni Yamsuan ang House Bill 7362, o ang Classroom-Building Acceleration Program (CAP Act), nga naglatid sa partisipasyon sa civil society organizations (CSOs) ug mga pribadong grupo sa pagtukod sa mga eskwelahan pinaagi sa gipasimple nga proseso sa procurement, accounting, ug auditing.
Gitugotan usab sa balaodnon ang mga kwalipikadong local government units (LGUs) sa pagpasiugda ug pagpatuman sa mga proyekto sa klasehanan gamit ang pondo sa nasudnong gobyerno.
Gipasiugda ni Yamsuan nga ang diha-diha nga pagpasar sa maong balaod importante alang sa kaayohan sa mga estudyante nga karon nagdasok sa mga classrooms sa mas luwas ug angay nga lugar.
