Giakusahan sa kampo ni kanhi Presidente Rodrigo Duterte si Presidente Ferdinand Marcos Jr. nga maoy nag-mastermind sa usa ka scheme sa pagpadala og mga testigo ngadto sa International Criminal Court (ICC).
Sa iyang unang pamahayag, si Nicholas Kaufman, legal counsel ni Duterte, atol sa confirmation of charges hearing, iyang gibutyag ang transcript sa tawag sa telepono.
Diin usa ka wala nganli nga indibidwal ang giingong nagkontrol sa mga testigo.
Si Duterte nag-atubang og tulo ka ihap sa mga krimen batok sa katawhan kalabot sa iyang madugoon nga anti-narcotics campaign.
Sumala sa mga record sa gobyerno, anaa sa 6,200 ka tawo ang namatay sa operasyon, apan ang mga organisasyon sa tawhanong katungod nagbanabana nga kini mahimong mikabat sa 30,000.
Magpadayon usab ang pagdungog karong adlawa hangtud na sa Pebrero 27.
