Gidayeg sa defense team gikan sa Pilipinas ang pagdumala sa lead counsel ni kanhi Presidente Rodrigo Duterte sa ICC nga si Nicholas Kaufman.
Sumala ni Atty. Alfredo Lim Jr., klaro ang mga argumento ni Kaufman ug ang iyang sinseridad ug pagkamatinud-anon sa mga pahayag bahin sa kanhi presidente klaro kaayo.
Para kang Lim, kini ang importante sa kaso ni Duterte aron mahibal-an sa mga huwes sa ICC nga ang akusado inosente sa mga seryosong kaso sa krimen batok sa katawhan.
Samtang, para kang kanhi Chief Presidential Legal Counsel Atty. Salvador Panelo, masaligon sila nga lig-on ang pakigbisog ni Duterte tungod kay gipulitika lang kini sa mga kontra sa kanhi presidente.
Giinsistir niya nga ang kasamtangang administrasyon usa ka tunok sa tutunlan sa pamilyang Duterte, mao nga naningkamot sila nga pahuyangon sila, sama sa mga lakang batok sa kanhi presidente nga naa na karon sa prisohan sa ICC.
Sa laing bahin, si kanhi Labor Secretary Silvestre “Bebot” Bello III, maglisod ang prosekusyon sa pagpamatuod sa mga pasangil batok kang Duterte.
Para sa kanhi kalihim, dali ra ang pag-akusar og pagpatay, apan ang pagpamatuod sa pasangil nanginahanglan og hingpit nga proseso.
Ilabi na kon walay direktang ebidensya batok sa akusado, ang mga seryosong alegasyon isalikway ra unya.
