Gobyerno, andam sa pagpahigayon og imbestigasyon sa giingong madugoon nga pakigbatok sa ilegal nga droga – Palasyo

Andam ang gobyerno nga mohimo og imbestigasyon sa giingong mga pagpatay nga may kalabotan sa ilegal nga droga atol sa termino ni President Ferdinand Marcos Jr.

Sumala ni Palace Press Officer Undersecretary Claire Castro, seryoso ang presidente nga dili mahimong maduguon ang iyang kampanya batok sa illegal nga droga.

Kon ugaling man adunay ebidensya nga nagpakita nga adunay insidente sa pagpatay, ilang imbestigahan dayon.

Kahinumduman nga si Atty. Nicholas Kaufman, ang legal counsel ni kanhi Presidente Rodrigo Duterte, miingon nga si Marcos kinahanglan usab nga imbestigahan tungod sa mga pagpatay nga nahitabo sa iyang kampanya batok sa ilegal nga droga.