CENTRAL VISAYAS- Gipaningkamotan karon sa Department of Labor and Employment-7 (DOLE-7) nga mahatagan og oportunidad ang mga liboan ka tinun-anan sa Central Visayas nga bag-o pang ni-gradwar nga wala pay trabaho sa kasamtangan.
Busa, ang DOLE-7 nimugna og programa ug lakang alang kabahin sa pagpangsagap og trabaho alang sa mga fresh graduates, nga nagtumong sa paghatag og mga pasiunang panginahanglan sa mga tinun-an nga adunay panglangtaw nga makahuman sa pagtungha ug makabaton og pormal nga trabaho.
Subay niini, gikabutyag ni Atty. Roy Buenafe, ang Regional Director sa DOLE-7, nga sa karon, ang employment facilitation sa maong buhatan naglangkob sa Job Fair, Special Program for Employment of Students (SPES), diin ang SPEC nga programa nagtumong sa pagpanghatag og suporta sa porsyon sa financial constraint sa mga tinun-an nga matubag niining maong matang sa programa.
Gawas niana nga employment facilitation sa maong buhatan, adunay gitawag usab nga Job Start ug kini alang kini sa mga bag-ong ni gradwar nga mga indibidwal kon fresh graduates nga nakahimamat og hagit sa pagpangitag trabaho gumikan sa resikitos nga gikinahanglang adunay work experience.
Diin, gipasabot ni Buenafe nga ang Job Start Program sa DOLE mao ang mamahimong tulay kon mao ang motakdo gikan sa pagtungha hangtud na sa pagpangitag trabaho, subay sa pagpahamtang niini og mga skills ug experiences.
Samtang, gidugang usab ni Buenafe nga aduna say Government Internship Program diin abli ang mga buhatan sa gobyerno para sa internship, ug maghatag kini og kahigayonan sa mga malantad sila sa mga government offices, dugang sa ilahang experience nga magamit sa umaabot nga panahon.
