Gisuportahan sa mga huwes sa International Criminal Court (ICC) Appeals Chamber ang desisyon sa Pre-Trial Chamber I nga ang kanhi Presidente Rodrigo Duterte angay magpabilin sa prisohan.
Sumala sa ICC, gibasura sa Appeals Chambers ang tanang argumento ug basehan sa mga apelar sa mga abogado ni Duterte.
Ang five-person Appeals Chamber nakakuha og unanimous nga boto aron ibasura ang hangyo sa depensa ngadto sa Pre-Trial Chamber I.
Sa usa ka pamahayag, napakyas ang Depensa sa pag-ila sa mga sayop sa Pre-Trial Chamber diin gisaligan sa Panel of Experts ang paghatag sa pinakabag-ong update sa panglawas ni Duterte.
Gikonsiderar usab sa panel of experts ang duha ka report sa kahimtang sa panglawas sa kanhi presidente nga giandam sa mga medical practitioner ug gipili sa defense team.
Sukad Marso 12, 2025, ang kanhi Presidente gibilanggo sa ICC sa The Hague, Netherlands tungod sa kasong war against humanity sa iyang kampanya batok sa ilegal nga droga gikan sa dihang siya mayor sa Davao City hangtod nga nahimong Presidente sa Pilipinas.
