Andam nga mahimong kabahin sa defense team ni kanhi Presidente Rodrigo Duterte ang kanhi Chief Presidential Legal Counsel nga si Salvador Panelo sa gi-atubang niini nga kasong crimes against humanity sa International Criminal Court (ICC).
Sa usa ka interbyu, ang kanhi tinudlo ni Duterte miinsistir nga gusto niyang mahimong kabahin sa panel aron motabang sa pagdepensa sa kanhi presidente.
Dugang niya nga kini usab ang hinungdan nganong nag-aplay siya alang sa accreditation sa ICC pipila ka adlaw ang milabay.
Gidugang sa beteranong abogado nga gusto usab niya nga makabisita kang Duterte samtang anaa siya sa iyang detention cell sa The Hague ug makigsulti sa kanhi presidente bahin sa kaso nga iyang giatubang.
Human sa pag-file sa iyang aplikasyon, gilauman ni Atty. Panelo nga mokabat og walo ka bulan sa dili pa mopagawas ug desisyon ang ICC sa iyang hangyo.
Ingon man nga ang iyang anak nga si Atty. Salvador Paolo Panelo Jr., ang unang nag-file sa iyang aplikasyon, uban sa tanang gikinahanglan nga mga dokumento.
