Ipatuman na sa buhatan sa Department of Education ang 4-days work week karong semanaha alang sa mga non-teaching og teaching related workers sa buhatan lakip na ang mga Job Orders.
Matud ni Dr. Salustiano Jimenez, ang Regional Director sa DepEd- Central Visayas nga sugod karong semanaha sirado na ang mga buhatan niini lakip na ang anaa sa mga nagkadaiyang field offices sa rehiyon.
Sigon niini nga ipatuman sa buhatan ang “Work from home” set-up sugod sa adlawng Biyernes og i-impelementar usab kini sa susamang mga adlaw matag semana.
Giklaro usab ni Jimenez, nga walay labot sa 4 days work week ang mga magtutudlo nga magklase sa mga bata, inay kato lang nga anaa sa mga administrative works lakip na niini ang mga Principal.
Tumong sa maong lakang nga makunhoran ang paggamit sa enerhiya hilabi na sa hisgutanan sa lana og krudo, apan padayon ra usab ang mga klase sa mga bata aron dili mabalda ang pagtoun niini.
Dugang pa niini nga dili ra usab maapektuhan ang swelohan sa mga empleyado gumikan kay sagad niini regular workers og fixed ang suholan, lakip nga dili maapektuhan ang mga job orders.
Samtang, walapa usab mahibaw-i kung kanus-a ilugway ang maong implementasyon gumikan kay wala pay mando ang kaulohan hilabi na gikan ni President Ferdinand Marcos Jr.
