Nangita ang Pilipinas og alternatibong tinubdan sa lana aron masiguro ang lig-on nga suplay sa gasolina taliwala sa kawalay kasiguroan sa merkado sa kalibutan.
Sa usa ka press briefing sa New York, si Presidente Ferdinand R. Marcos Jr. miingon nga ang gobyerno nakigsabot na sa ubang mga nasud aron magsuplay og lana.
Sumala ni Presidente Marcos, ang pangunang problema karon mao nga wala mahibal-i kung unsa ka dugay molungtad ang paglihok sa presyo sa mga produkto sa petrolyo sa global market tungod sa nagpadayon nga geopolitical tensions.
Gihisgutan sa Presidente nga ang gidugayon sa nagpadayon nga tensyon sa Middle East nga nakaapekto sa paglihok ug presyo sa mga produkto sa lana sa tibuok kalibutan dili sigurado.
Bisan pa, gipasalig sa Presidente nga ang administrasyon nagpabilin nga naka-tutok sa pagsiguro sa lig-on ug barato nga suplay sa lana sa Pilipinas.
Samtang, gipasalig ni Presidente Marcos nga ang gobyerno nagpadayon sa paghimo og mga lakang aron mapugngan ang padayon nga pagtaas sa presyo sa mga batakang palaliton sa nasud.
Sumala sa Presidente, ang gobyerno naningkamot pag-ayo aron mapadayon nga ubos ang presyo sa mga produkto, apan giangkon niya nga adunay mga hinungdan nga dili direkta nga kontrolado sa gobyerno.
Gipaambit usab sa Presidente nga ang presyo sa lana sa merkado sa kalibutan bag-o lang miabot og sobra sa $100 matag bariles, nga nakahatag og kabalaka sa gobyerno.
Apan, kini karon miubos na ngadto sa ubos sa $90 matag bariles.
Bisan og kini mas ubos kaysa sa miaging lebel, si Presidente Marcos miingon nga kini taas gihapon tungod kay ang presyo sa lana nagsugod sa mga $72 matag bariles.
