Nagtukod ang Kagamhanang Dakbayan sa Sugbo sa Special Price Monitoring and Consumer Protection Body aron sa pagbantay sa lihok sa presyo sa krudo ug ubang palaliton karong adunay nasinati nga kalibutanong kalisud sa ekonomiya mugna sa gyera sa Middle East.
Ang pagpatukod sa maong pundok kay mugna sa giluwat nga Executive Order No. 66 series of 2026 ni Cebu City Mayor Nestor Archival Sr. nga pinetsahan niadtong Miyerkules, Marso 11, 2026.
Ang Special Body kay mugna sa 11 ka miyembro nga gilangkuban nila Mayor Archival isip chairperson, Councilor Harold Kendrick Go isip vice-chairperson nga pangu sa Committee on Trade, Commerce, and Entrepreneurship, ug uban pang mga miyembro nga sila Councilor Winston Pepito nga pangu sa Committee on Transportation, Communication and other utilities, DTI-7 Regional Director Maria Elena Arbon, Councilor Franklyn Ong, BPLO OIC Atty. Jared Limquiaoco, City Treasurer Emma Villarete, CCPO Director P/Col. George Ylanan, PIO OIC Jesson Morata, Office of the City Market Overseer Elconjim Concha, ug si Cebu Chamber of Commerce & Industry President Regan Rex King.
Tinguha niini ang regular nga pagmonitor sa presyo sa mga palaliton lakip na ang produktong petrolyo, koordinasyon sa DTI, pag-imbestigar sa overpricing, hoarding, price manipulation, o profiteering, pagtukod og dangpanan sa reklamo, pagpasaka og kaso, ug information dissemination.
