Nagmando si Department of Agriculture (DA) Secretary Francisco Tiu Laurel Jr. alang sa temporaryong pagdili sa pag-import og mga produkto sa manok gikan sa Indiana, US, kini tungod sa gitaho nga pagkaylap sa mga kaso sa H5N1 Avian Influenza o bird flu.
Ang mga butang nga idili naglakip sa poultry meat, day-old chicks, itlog, mga itlog, ug uban pang mga produkto gikan sa manok.
Nagtumong ang bag-ong mando sa pagpanalipod sa industriya sa manok sa Pilipinas batok sa posibleng pagsulod sa virus gikan sa nahisgutang estado.
Bisan pa niini, ang mga kargamento nga gipadala na gikan sa US sa wala pa ipatuman ang mando tugutan gihapon nga makasulod sa Pilipinas kung kini giproseso o giihaw sa wala pa ang Enero 30.
Ingun man nga ang DA nagpasidaan nga ang bisan unsang kargamento nga nakalapas sa bag-ong mando kumpiskahon, uban ang pagmonitor sa mga pantalan sa nasud.
