PROVINCE OF CEBU- Mihangyo sa Cebu Provincial Governor Pamela “Pam” Baricuatro sa mga tigpamatigayon sa probinsya nga dili himuslan ang pasagad nga pagpasaka sa presyo sa ilang mga baligya karong panahon sa krisis.
Kini ang gibuhian nga pamulong ni Gov. Baricuatro niadtong Miyerkules, Marso 18 sa mga sakop sa tigbalita diin matod pa sa opisyal nga nataho na sa nasudnong panggamhanan nga ang Pilipinas adunay igong pundo sa bugas humay ug krudo hinungdan nga walay angay ikabalaka sa suplay sa mga batakang panginahanglanon.
Gipamulong sab niini nga kung adunay mga mapahimuslanong mga retailers sa pasagad magparesyo og taas sa ilang mga baligya kay dili magduha-duha ang Kapitolyo nga mupasaka og aksyong legal aron mapitol kini sa tinguha nga panalipdan sa mga malimbogong pamatigayon ang mga konsumidor.
Dugang pa nga giawhag niini ang mga local government units (LGUs) sa pagbantay sa mga nagnegosyo sa ilang mga lugar kay kung masuta nga nag-profiteering kay mamahimong kanselahon ang ilang mga business permits.
Sa pagkakaron, aduna nay kapin 40 ka mga LGUs sa Sugbo ang nagpalihok sa ilang mga price monitoring teams batok sa mga tikasan nga mga negosyante sa pagpaburot sa presyo sa ilang mga baligya.
