Nanawagan si Tingog party-list Rep. Jude Acidre kang Navotas Rep. Toby Tiangco nga mohunong na sa paglimbong sa publiko bahin sa mga sayup nga pasangil sa impeachment batok kang Bise Presidente Sara Duterte.
Giinsistir ni Acidre nga walay ebidensya nga mosuporta sa mga pasangil nga gitanyagan og tabang ug mga proyekto ang mga magbabalaod baylo sa suporta sa impeachment.
Miingon siya nga ang seryosong mga akusasyon kinahanglan adunay klaro nga pruweba ug dili ispekulasyon o hungihong.
Gihimakak usab ni Acidre ang pahayag nga adunay kalapasan nga nakita batok kang kanhi Speaker Martin Romualdez, base sa Independent Commission for Infrastructure (ICI).
Sumala ni Acidre, ang dokumento sa komisyon klaro nga nag-ingon nga wala kini nag-ila sa bisan unsang sala o tulubagon ug nga kini usa lamang ka referral alang sa dugang nga imbestigasyon.
Gihagit ni Acidre si Tiangco nga magpakita og ebidensya ug nganlan ang mga nalambigit kung ang iyang mga pahayag adunay basehan.
Gipasiugda usab ni Acidre nga walay bribery o coercion nga nahimo batok sa mga magbabalaod nga mipirma sa impeachment complaint.
Miingon siya nga personal niyang nasaksihan ang diskusyon sa pagpirma sa impeachment complaint ug nga si Rep. Tiangco wala diha niadtong panahona.
Dugang niya nga ang pagpakatap sa walay basehan nga impormasyon makadaot sa integridad sa Kamara ug makaguba sa pagsalig sa publiko.
