MANDAUE CITY- Gisugyot sa Konseho sa Kagamhanang Dakbayan sa Mandaue ang pagpa-uniporme sa pletehan sa mga habal-habal nga namasahero sa syudad.
Kini ang gisugyot ni Mandaue City Councilor Jesus “Jun” Arcilla Jr., sa pakighinabi sa Bombo Radyo Cebu News Team niadtong Lunes, Marso 23 nga matod pa nanukad ang iyang gipangamahan nga resolusyon gikan sa ga reklamong nadawat gikan sa mga commuters ilabi na sa mga estudyante.
Sumala pa sa konsehal nga ang iyang giduso nga resolusyon sa konseho kay sa pagdapit sa mga kapitan sa 27 ka barangay sa dakbayan sa Mandaue aron han-ayon ang matrix sa pletehan sa mga habal-habal.
Gitugyan niini ang paghan-ay sa pletehan sa mga barangay kapitan kay aron magkatagbo sa kasabutan tali sa kagamhanan nga nanalipud sa mga commuters ug sa mga drayber sa habal-habal.
