CENTRAL VISAYAS- Padayong namentinar sa Cebu City Niños ang ilang dominanteng posisyon sa medal standings sa Central Visayas Regional Athletic Association (CVIRAA) 2026, nga gipahigayon karon sa Naga City, Cebu.
Gisundan ang Cebu City sa ranggo sa medal tally sa: Bohol Province, Cebu Province, Lapu-Lapu City, ug Mandaue City, sumala sa kasamtangang resulta sa maong regional athletic meet.
Sa medal tally, as of 7PM, ang Cebu City nakatigom og 129 ka bulawang medalya, 98 ka silver, ug 94 ka bronze, nga adunay kinatibuk-ang 321 ka medalya.
Samtang ang Bohol Province adunay 75 ka bulawan, 80 ka silver, ug 72 ka bronze, nga may kinatibuk-ang 227 ka medalya.
Ang Probinsiya sa Sugbo adunay 45 ka bulawan, 71 ka silver, ug 83 ka bronze, nga may kinatibuk-ang 199 ka medalya.
Ang Lapu-Lapu City nakatigom og 39 ka bulawan, 36 ka silver, ug 31 ka bronze, alang sa kinatibuk-ang 106 ka medalya.
Samtang ang Mandaue City adunay 32 ka bulawan, 42 ka silver, ug 73 ka bronze, alang sa kinatibuk-ang 147 ka medalya.
Padayon pa ang mga kompetisyon sa CVIRAA 2026, ug gilauman nga aduna pay kausaban ang tally sa medalya sa nagkadaiyang delegasyon sa mosunod nga mga oras.
