-- ADVERTISEMENT --
Hugot nga gikondenar ni Pope Leo XIV ang kapintasan ug nanawagan sa katawhan nga hunungon ang mga gubat, samtang iyang gipangulohan ang usa ka balaan nga misa alang sa Palm Sunday of the Lord’s Passion sa St. Peter’s Square sa Vatican.
Sa pormal nga pag-abli sa pamalandong sa Simbahang Katoliko alang sa Semana Santa, ang mensahe sa Santo Papa nakasentro sa pagpresentar kang Jesukristo isip Hari sa Kalinaw.
Sumala sa Santo Papa, gisalikway sa Diyos ang bisan unsang matang sa kapintasan ug dili gayud maminaw sa mga pag-ampo sa mga tawo nga nag-aghat sa gubat.
Gihulagway usab sa lider sa Simbahang Katoliko ang pag-antos ni Kristo sa krus susama sa nasinati sa mga biktima sa gubat karon.
