Gikondenar sa Iran ang sugyot sa kalinaw sa Estados Unidos aron tapuson ang gubat sa Middle East, diin gihulagway kini nga “unrealistic, illogical, ug excessive.” Sa samang higayon, gilunsad sa Iran ang bag-ong mga pag-atake sa missile batok sa Israel.
Misamot usab ang tensyon samtang ang mga rebeldeng Houthi sa Yemen ug ang Hezbollah sa Lebanon nakiglambigit na sa panagbangi, nga parehong nagpahigayon og mga pag-atake sa Israel.
Agig tubag, ang israeli military mibutyag nga nagpahigayon kini og mga pagpangataki sa mga target sa military infrastructure sa Tehran ug Beirut.
Ang nagpadayon nga kagubot nagpataas sa presyo sa lana sa kalibutan, nga nakahatag og mga kabalaka bahin sa mga suplay sa enerhiya.
Gipahimangnoan ni US Presidente Donald Trump ang Iran nga ablihan ang Strait of Hormuz—usa ka importante nga ruta alang sa mga kargamento sa lana — o posible kining mag-atubang sa mga pag-atake sa US sa mga energy facilty sa nasud.
