MANDAUE CITY, CEBU-Ginabantayan sa Kagamhanang Dakbayan sa Mandaue ang presyo sa mga binignitonon, ilabina karong Biyernes Santo, Abril 3, 2026.
Sumala sa mga opisyal sa Mandaue City Public Market Office, sukad pa niadtong Miyerkules Santo, Abril 1, nagsugod na og pamalit ang mga konsumidor sa mga igsasagol sa binignit nga andamon karong Semana Santa.
Matod pa ni Jean Gabrielle Bracero, OIC sa City Market Office, adunay pagsaka sa presyo sa pipila ka mga palaliton, lakip na ang mga binignitonon, tungod sa nagpadayon nga krisis sa ekonomiya karong panahona.
Sa gipagawas nga Binignit Ingredients Pricelist sa Mandaue City Public Market Office, ania ang mga presyo sa mosunod nga mga produkto.
-Saging Kardaba – P40-45 per kilo
-Kamote – P60-65 per kilo
-Gabi – P80-120 per kilo
-Ube – P120 per kilo
-Lubi Kinudkud – P100-130 per kilo
-Packed Coconut Milk (120ml) – P37
-Pilit Rice – P56-60 per kilo
-Pilit powder – P80
-Brown Sugar – P80 per kilo
-Kinugay – P100 per kilo
-Landang Puti – P350 per kilo
-Landang Puwa – P180 per kilo
-Sago – P20 per 3 packs
-Vanilla – P10 per pack
