Girespondehan sa mga sakop sa Pari-an Fire Substation human kini nakadawat og taho mahitungod sa usa ka sunog nga niulbo sa D. Jakosalem St., Brgy. Zapatera, Cebu City, gahapon sa alas 12:00 sa udto, Abril 4, 2026.
Nadawat ang maong alarma sa alas 12:18 sa udto ug tungod sa paspas nga pagresponde, naabot ang mga bombero sa dapit ug tungod niini, daling nadeklarar ang “First Alarm” aron mapugngan ang pagkaylap sa kayo sa maong residential area.
Gikataho nga moabot sa duha ka istruktura ang naugdaw sa maong insidente nga gipanag-iya ni Stanley Chona, diin mikabat ngadto sa 400 square meters ang dapit nga naapektuhan.
Wala usab natapos ang Sabado Santo nga malinawon gumikan nagtinubagay ang miulbong duha ka managlahing sunog ang nahitabo sa Dakbayan sa Sugbo gabii.
Diin ang sunod-sunod nga mga insidente nakaaghat og dungan nga pagresponde gikan sa mga bombero sa tibuok siyudad sa Lahug ug Ermita.
Ang unang insidente naglambigit sa usa ka residential sa Sitio La Guardia, Barangay Lahug, diin dali nga giisa sa mga awtoridad ang sunog ngadto sa first alarm mga alas 6:40 sa gabii, diin ang mga bombero nagpahigayon og suppression operations.
Samtang ang mga responder nag-atubang pa sa sunog sa Lahug, laing sunog ang gitaho pasado alas 7:00 sa gabii sa Barangay Ermita, duol sa Carbon Public Market area.
Diin ang sunog sa Ermita giisa ngadto sa second alarm.
