Gisaway ni House Committee on Justice Vice Chair ug San Juan Rep. Ysabel Maria Zamora ang pamahayag ni Zamboanga City Mayor Khymer Olaso nga ang proseso sa impeachment sa Kamara “kataw-anan o binuang.”
Sa usa ka video sa Facebook, ang mga pulong ni Olaso grabe batok sa mga magbabalaod, usa ka butang nga gitubag ni Zamora.
Gipasabut ni Zamora nga ang impeachment dili lamang usa ka politikal nga kapilian apan usa ka obligasyon nga gitakda sa Konstitusyon nga kinahanglan atubangon sa Kamara kung adunay reklamo nga gisang-at. Dugang pa niini nga ang mga opisyal magpabaya sa ilang mga katungdanan kung dili nila sundon ang mandato sa Konstitusyon.
Gipanghimakak usab sa representante sa San Juan ang akusasyon ni Olaso nga ang mga magbabalaod wala magbuhat sa ilang mga trabaho tungod kay naka-focus sila sa impeachment.
Sumala ni Zamora, ang Kongreso nagpadayon sa pagpasar sa mga balaodnon nga makahatag og kaayohan sa kinabuhi sa mga Pilipino dungan sa mga hearing.
Sa pagkakaron, ang House Justice panel nagtino sa “probable cause” sa mga reklamo batok kang Bise Presidente Sara Duterte human kini gideklarar nga igo na sa porma, substansiya, ug basehan. Gitugotan usab sa plenaryo ang komite nga ipadayon ang mga hearing bisan pa sa panahon sa recess sa Kongreso gikan sa Marso 21 hangtod Mayo 3.
Gipunting ni Zamora, “Legislation is the primary job of Congressmen and if people would care to see, we are in fact doing that.”
