CEBU CITY- Giklaro ni Cebu City Councilor Jun Alcover, nga ang Asian College of Technology-International Educational Foundation kon ACT-IEF Pit-os Campus, nga dugay nang wala ma-accridited ang maong tunghaan gumikan sa mga atraso niini sa kagamhanan sa Dakbayan sa Sugbo niadto pang tuig 2022.
Matud ni Alcover, nga sayup ang pagtou sa publiko nga wala gi-accredit ang maong tunghaan inay nag-reapply kini sa kagamhanan sa dakbayan gumikan sa mga atraso niini niadtong tuig 2010 diin halos giangkon sa maong tunghaan ang mahimong benipesyaryo sa mga scholars sa dakbayan nga moabot sa 5,000 sa kintibuk-ang 7,000 ka mga beneficiaries.
Hinungdan nga gipasakaan kini og kaso sa Ombudsman may kalabot sa Conflict of Interest, nga miresulta sa pagkahunong sa pagbayad sa mga billing niini gumikan sa kaso.
Sigon niini, 24 ka mga tunghaan ang nahimong accredited sa Cebu City Scholars diin lakip sa mga rekisitos aron mahimong benipisyaryo ang maong tunghaan mao ang “documented performance ratings niini sa PRC sa nakalabayng 3-ka tuig” apan pakyas sila nga nakahatag niiini.
Nasayran atol sa botasyon, nga taliwala sa pag-aprobar sa City Legal Office, aduna gihapon kini “conflict of Interest” gumikan kay posibleng mamiligro ang konseho, tungod kay anaa pa gihapon sa katungdanan ang mga nanag-iya sa nahisgutang tunghaan nga si Cebu City Councilor Jose Abellanosa-ang anak ni Kanhi Cong. Bebot Abellanosa.
Gihimug-ata ni Alcover, nga gigamit ra og pamolitika ang mga tinun-an aron maglagot ang publiko hilabi na gayud ang mga ginikanan sa mga bata gumikan sa ilang pagsupak sa maong Memorandom of Agreement tali sa City hall og ACT-IEF.
Dugang niini nga wala sila mosupak sa kaayuhan og edukasyon sa mga tinun-an sa maong tunghaan apan buot lang nila kinig han-ayon aron usab sa paglikay nga makasohan ang konseho.
