Miubos ang presyo sa krudo sa kalibutan human gipahibalo sa Iran nga ang Strait of Hormuz hingpit nga bukas sa tanang commercial vessels samtang nagpadayon ang ceasefire sa rehiyon.
Ang Brent crude mius-os ngadto sa mga $88 kada bariles gikan sa kapin sa $98 niadtong Sabado (oras sa Pilipinas).
Sumala ni Iranian Foreign Minister Abbas Araghchi, ang tanang komersyal nga barko mahimong makagamit sa maong ruta basta magpabilin ang kalinaw sa rehiyon.
Tungod niini, misaka ang stock markets sa U.S. ug Europe, diin ang S&P 500, Nasdaq, ug Dow Jones misaka og kapin sa 1%, samtang ang DAX sa Germany ug CAC sa France misaka og kapin sa 2%.
Ang presyo sa lana misaka sa miaging mga semana tungod sa tensyon tali sa Iran ug Israel, nga niabot pa sa kapin $100–$119 kada bariles.
Bisan pa sa pag-abli sa ruta, ang ubang shipping companies nagpabilin nga mabinantayon ug naghulat pa sa mas lig-on nga seguridad sa rehiyon.
