Gipahibalo ni Ako Bicol Partylist Rep. Alfredo Garbin Jr. nga nakigkontak na siya sa pamilya sa kanhi magbabalaod nga si Elizaldy “Zaldy” Co.
Kini human gipahibalo ni Presidente Bongbong Marcos nga natapos na ang panahon sa pagtago ni Co human siya gidakop sa mga awtoridad sa Czech Republic.
Matud ni Garbin miingon nga wala pa siya makadawat og bisan unsang konkreto nga impormasyon gikan sa pamilya bahin sa kahimtang sa kanhi kongresista.
Dugang pa nga daghan og ibutyag si Co, labi na kung hatagan siya og due process ubos sa balaod.
Naglaum usab si Garbin nga makasulti si Co bahin sa giingong anomalous nga mga flood control taliwa sa tensyon sa politika.
Dugang niya nga gusto niyang makigsulti sa pamilya ni Co aron mahibal-an kung siya nadakpan, napriso, o mogamit ba og legal nga paagi aron mapugngan siya sa pagpauli.
Gipasalig ni Garbin nga mapamatud-an ni Co ang mga pahayag nga iyang gihimo sa miaging mga video.
Naglaum usab siya nga ang gobyerno mohatag sa tanang gikinahanglan nga seguridad aron si Co makatambong sa mga legal nga proseso ug makabutyag sa kamatuoran.
