Gipamulta sa NBA ang star sa Denver nga si Nikola Jokic ug ang forward sa Minnesota nga si Julius Randle human sila naglalis sa ulahing bahin sa Game 4 sa ilang playoff series.
Kung diin si Jokic gipamulta og $50,000 samtang si Randle $35,000 human sa away nga nahitabo sa katapusang mga segundo sa dula tali sa Denver Nuggets ug Minnesota Timberwolves.
Sumala sa NBA, mitumaw ang tensyon human ang guard sa Minnesota nga si Jaden McDaniels nakapuntos og layup nga nagpahamtang sa dakong kalay-on sa iskor, bisan pa og hapit na mahuman ang duwa. Giisip sa Denver nga ang maong aksyon dili na sportsmanlike, hinungdan sa ilang reaksyon.
Sumala sa NBA, si Jokic ang unang miduso kang McDaniels, samtang si Randle kalit nga miapil sa away ug miduso kang Nuggets guard-forward Bruce Brown.
Si Jokic ug Randle parehong gi-assess og technical fouls ug na-eject sa dula.
Bisan pa niini, ang Minnesota nanguna og 3-1 batok sa Denver sa ilang postseason matchup sa ikatulong higayon sulod sa upat ka tuig.
Samtang, ang Timberwolves naa sab sa dakong problema human naangol ang duha sa ilang mga importanteng magduduwa.
